Hysteron erakusketa inauguratuko du gaur Nagore Legarreta argazkilariak Donostiako Koldo Mitxelena Kulturgunean. Gaur arratsaldeko 19:00etan irekiko ditu ateak kulturguneko ganbarak erakusketaren izenburu bera duen emanaldi berezi batekin. Legarretaren argazkien inguruan Danele Sarriugarte eta Gorka Setienek egindako testuekin egindako emanaldia da, eta Txaro Unzilla dantzariak, eta Mariano Hurtado, Aida Torres eta Beñat Iturrioz musikariek ere hartuko dute parte.