Etzi emango zaie hasiera aurtengo Ergobiko jaiei. Ostiraletik astelehenera arte, lau eguneko egitarau bizia prestatu baitu Danak Bat jai batzordeak horretarako.
Hainbat bazkari eta afari
Ekintza mordoa izango dira lau egunetan zehar: musika, haurrentzako jolasak, herri kirolak... baina, xarma berezia izango dute bazkari eta afari herrikoiek.
Denera zazpi otordu antolatu dituzte bizilagunek, eta horietan parte hartu ahal izateko, ezinbestekoa izango da txartela txosnan erostea.
Bi aukera izango dira: otorduko bat, edo bono bereziaren bitartez, hau da, 75 euroren truke otordu guztietara joateko aukera luzatu dute.
ETZIKO PROGRAMA
17:00, Jaien hasiera; eta jarraian, haur jolasak adin guztietako umeentzat.
19:00, Txokolatea txurroekin, Lete-Enea etxeko esku paregabeek prestatuta.
20:00, Basculas Samsoren eskutik, jaietan zehar parte hartuko duten idi, zaldi eta gizonen pisaketa egingo da plazan.
20:30, DJ Bull-en aurkezpena, plazan.
21:30, Luma Gorri oilasko jatea entsalada mixtarekin, gazta, intxaurrak, irasagarra, edariak eta kafea, karpan (Helduek, 20 euro; haurrek, 12 euro).
23:15, Zezen-suzkoa.
23:30, Giza-proba: Haure hemenaldoren lagunak Earra einzidanen aurka, edo Imanolen lagunak Izetaren lagunen aurka, edo Ergobikoak Paollakoen aurka. 6 lagunen taldeak 900kg-ko harriarekin. 20 minututan nork plaza gehiago egin.
00:30, DJ Bull, aspertu arte.