Lehia bizia dela argi utzi zuen Endika Barrenetxea hernaniarrak larunbatean Galarreta Kutxabank Txapelketako final-laurdenetako partiduan. Eta gaur, finalerdietan sartzeko aukera hain gertu izanda, irabaztera aterako dela, zalantzarik ez dago.
Aizpuru IIIa, aurkari
Oraingo honetan, Aizpuru IIIa izango du aurkari hernaniarrak, Kutxabank Erremonte Txapelketako B taldeko hirugarren partaidea, hain zuzen.
Ez da edonolako partidua izango Barrenetxea IVarentzat, izan ere, gaur irabazten badu, B taldearen lidergotza izango du, eta, beraz, finalerdietan izango da, dudarik gabe. Izan ere, talde bakoitzeko aurreneko biak dira finalerdietarako sailkatuak izango direnak.
Baina hori ez da abuztuaren 25era arte jakingo, orduan bukatuko baita finalerdien aurreko ligaxka.
A taldeak, ere bai
Hau ez da Galarretan, arratsaldeko 16:00etatik aurrera, izango den partidu bakarra. Ohiko partiduez gain, A taldekoek ere arituko dira lehian; Urriza, Endika eta Ionek denak denen aurka jokatuko dute.