Amabirjin eguna jai eguna da toki askotan, eta baita Astigarragako Santiomendi auzoan ere. Goizeko 09:00etan dianarekin hasi, eta egun osoko festa prestatu dute, eguraldia lagun.
Bazkalaurrea, tortilla eta sagardoak lagunduta
Auzoa ondo esnatuta, 11:30etan tortilla lehiaketa izango da, eta dastaketa tajuz egiteko, sagardoa ere izango da, laguntzeko. Gainera, 12:00etan idi proba hasiko da.
Horrela, eguerdiko 14:00etan hasiko da auzo bazkaria.
Herri kirolak, arratsaldean
Bazkalostean ere izango da festa. Hain zuzen, arratsaldeko 18:00etan herri kirolekin gozatzeko aukera izango da, eta 19:00etan, toka txapelketa egingo da.
Iluntzeko 21:00etan hasiko dira festa eguna agurtzen, afari eder baten bueltan.
San Rokeren aitzakian, ordea, bihar ere izango da jai girorik, ermitan.