Bezperaren bezperan, gazteek bota zuten itxaferoa, eta atzo, Umore Ona abesbatzak. Iraganaren eta etorkizunaren aldarrikapena eginez, Ainara Narbarte eta Jexeanton Elizegi, abesbatzako gazteenak eta beteranoenak bota zuten itxaferoa.
Festa lehertuta, kantuan ere aritu ziren, eta omendu egin zituzten Goizuetako eta Nafarroako armarriak eta Ikurriña. Eta omenaldiekin jarraitu zuten topa egitean ere. Erraldoien azken konpartsak (lehenago ere izan ziren beste batzuk; Yandenetarrak, adibidez), 10 urte betetzen ditu, eta emandako laguntzagatik oroigarria eman zion Maritxo Elizalderi. Felixa Salaberriak eta Joxefina Zubietak ere jasoko dituzte.
Bertsotan, Amibirjin eguna
Eta Amabirjin egunean, segi festan! 09:00etan diana izanen da; 10:30etan meza eta prozesioa; 12:00etan erraldoi eta buruhaundiak eta pilota partiduak. 18:00etan, berriz, herri kirolak, eta 19:30etan bertsolariak: Amets Arzallus, Julio Soto eta Unai Agirre eta Eli Pagola hernaniarrak. Gero, musika izannen da nagusi.
Autobusak gaur
Goizuetatik: 09:00etan eta 15:00etan. Hernanitik 10:00etan eta 16:00etan.