Festarik festa ibiltzen da Hernani irailaren bukaerara arte, eta ibilbide horretan, Latsunbeberri-Marielutsen egingo du geldialdia asteburu honetan. Gaur botako dute festen hasierako kohetea, arratsaldeko 19:30etan. Hortik aurrera, hiru eguneko festa izango dute auzoan.
Frontenis txapelketa, suziria baino lehen
Dena den, egitaraueko ekintzak ez dira suziri jaurtiketarekin hasiko. Horren aurretik, frontenis txapelketa egingo dute auzoko frontoian, arratsaldeko 17:30etan.
Ondoren, festen hasierarekin batera, Apaxi Kontalariak ipuina kontatuko die bertaratzen direnei, eta ordubete beranduago hasiko da sardin-jate herrikoia pista polibalentean.
Aurreneko eguna bukatzeko, Txingudi DJek girotuko dute gaua, 21:30etatik 02:00ak arte.
Paella-jatea, bihar
Bihar izango da Latsunbeberri-Marielutseko festen egun haundiena, eta orduan izango dute auzokideek ohiko paella-jateaz gozatzeko aukera. Plater bat eskuratu ahal izateko, txartela beharrezkoa izango da; Labeak, Gailur eta Inaxi okindegietan daude salgai.
Batzordearen txosna, pista polibalentean
Hiru egunetan zehar, txozna jarriko du Jai Batzordeak pista polibalentean, eta jana eta edana eskainiko ditu.
LATSUNBEBERRI-MARIELUTSEKO AUZOKO EGUNA
GAUR, IRAILAK 2
17:30, Frontenis txapelketa auzoko frontoian.
19:30, Festen hasierako kohetea.
19:30, Ipuin kontaketa Apaxi kontalariarekin.
20:30, Sardin jatea pista polibalentean.
21:30-02:00, Musika pista
polibalenteko oholtzan, TDJSek (Txingudi DJs) eskainita.
BIHAR, IRAILAK 3
10:00-12:00, Betiko jolasak: zaku lasterketa, altxorraren bila, zinta lasterketa bizikletan, zapi jolasa, eta futbolina.
10:30, Marrazki entrega eta erakusketa pista polibalentean (saria egongo da partaide guztientzat).
10:30, IV. Iturritxo Elkartea esku pelota txapelketa (kanporaketak).
12:00, Trikitilariak eta buruhaundiak auzoan zehar.
14:00, Gazte nahiz helduentzako paella jatea, pista polibalentean. Tiketak salgai 3 eurotan, Labeak, Gailur eta Inaxi okindegietan.
16:30-19:30, Puzgarriak eta ohe elastikoak pista polibalentean.
16:30, Mus txapelketa pista polibalentean (izenematea, txosnan; bikoteko, 12 euro).
17:00, Ping-pong txapelketa, auzoko tenis pistan.
18:00, Haurrentzako Toka Txapelketa, pista polibalentean.
19:00, Helduen Toka Txapelketa, pista polibalentean.
19:30, Txokolatada, pista polibalentean.
20:30-02:00, Musika, pista polibalentean, TDJS (Txingudi deejays) taldeak eskainita.
23:00, Bingo herrikoia pista polibalentean.
00:00, Zezen suzkoa.
ETZI, IRAILAK 4
11:00-12:00, Patata tortilla txapelketa (entrega pista polibalentean). Sariak: 2 afari Latsunbe tabernan, 2 afari Tranbia tabernan, 2 afari Ilargi tabernan.
11:00-12:30, IV. Iturritxo Elkartea esku pelota txapelketako finalak.
11:00-13:00, Gozogintza tailerra Iturritxo Elkartean (8 urtetik gorako haurrentzat).
12:00-12:30, Lehiaketako tortilen epaia eta sari banaketa.
12:30-13:30, Trikitixa.
12:30-13:30, Sagardo dastaketa, pista polibalentean. Laguntzen dute: Altzueta, Rufino, Alberro, Otsuenea, Zelaia, Artola, Akarregi, Elorrabi, Gurutzeta eta Oialume Zar.
14:00, Festa bukaerako suziria.
*Edariak, ogitartekoak eta pintxoak salgai txosnan, festen antolaketa ekonomikoki laguntzeko.