Ostegunean jokatu zen Buruz Buruko Txapelketako prebiako azken partidua, eta puntu bakar bati esker, Aizpuru III sailkatu da ligaxkarako; Matxin IIIri 30 eta 29 irabazita, Aizpuru IIIk osatuko du B taldea, Uterga eta Barrenetxea IVrekin batera. A taldean, berriz, Urriza, Endika eta Ion izango dira.
Hain zuzen, gaur bertan hasiko da ligaxka, eta Barrenetxea IV eta Uterga ariko dira aurrez aurre, arratsaldeko 16:00etan Galarretan hasiko den jaialdiko bigarren partiduan. Uterga, iazko azpitxapelduna da faborito, baina Barrenetxea IV sasoi ederrean dator, eta aukerak badauzka.