Obrak egin dira Larramendi kaletik behera, Portu auzoraino dijoan errepidean. Udalaren asmoa izan da «bertan sortzen diren trafiko arazoak saihestea eta bereziki oinezkoen segurtasuna bermatzea», Koro Etxeberria Zerbitzuetako zinegotziak azaldutakoaren arabera.
Obrarekin batean, eta «bereziki Elizatxo ikastolaren parean eta Portuko trenaren tunelean sortzen diren arazoak saihesteko asmotan, Udalak proposatu zuen abendura arte proba egiteko, errepide hau beheranzko norantzak bakarrik erabiltzeko. Baina bizilagunak ez zeuden ados».
Komisioa, gaia lantzeko
Udala Portu, Elizatxo, Osiñaga eta inguruko bizilagunekin bildu da, proposamenaren berri emateko, baina bizilagunei ez zaie egokia iruditu, eta errepidearen norantzkoak bere horretan mantentzea erabaki du Udalak.
Era berean, komisioa bat sortzeko proposatu die Udalak bizilagunei. «Bertan sortzen diren trafiko arazoak konpontzeko eta oinezkoen segurtasuna bermatzeko eskatu izan zaigu behin baino gehiagotan. Udalaren proposamenak onespenik izan ez duenez, lantalde bat sortzea adostu dugu».