Jai eguna izango da astelehena toki askotan, eta baita Astigarragako Santiomendi auzoan ere. Hain zuzen, festa egun zoragarri bat pasatzeko moduko egitaraua prestatu dute: goizeko 09:00etan diana, eta 09:30etan baserriz baserri oilasko biltzea; 11:30etan, berriz, tortilla lehiaketa eta sagardo dastaketa izango dira, eta eguerdiko 12:00etan, zaldi dema; auzo bazkaria egingo da segidan, 14:00etan, eta arratsaldean, 18:00etan herri kirolak, 19:00etan toka txapelketa eta 21:00etan auzo afaria izango dira.