Eraztun olinpikoei neurria ezin hartu, Genuaren taldeak

Igor Genuak osa­tzen duen errugbiko zazpiko taldeak ezin izan zuen atzokoan ezer egin, Rio de Ja­nei­roko Joko Olinpi­ko­e­tako au­rre­neko partiduetan. Es­painiako Zaz­piko Errugbiko taldeari aurkari gogorreko taldea egokitu zaio aurreneko fasean; Hegoa­frika, Aus­­tralia eta Fran­tziarena, eta au­rreneko bietan galdu egin zuen: Hegoafri­karen kontra, 24 eta 0, eta Australiaren kontra, 26 eta 12. Gaur, hemen 16:00ak direnean, Frantziaren kon­tra aritu beharko du taldekako faseko azken partiduan. Hala ere, dena jokoan dago oraindik, sorpresaz be­teriko kirola baita Zazpiko Errug­bia; Japoniak, adibidez, Zeelanda Berriari irabazi zion.