Azkeneko jardunaldien antzera, ‘Maialen’ek Deustorekin duen norgehiagokak Gipuzkoako Emakumezkoen Ligan dirau. Larunbatean Ondarroan bizkaitarrek aurrea hartu ondoren, hernaniarrak aurreratu zitzaizkien atzo, Pasai San Pedron. Seigarren iritsi zen Maialen, 11:42,59 minutuko denbora eginda, eta atzean utzi zituen bizkaitarrak, 4 segundora. Hibaikak irabazi zuen oraingo honetan estropada (10:57,21), eta bigarren izan zen San Juan (11:05,55).
Hurrengo zita, Zarautzen
Datorren astelehenean, gaur zortzi, jokatuko da Ligako 12garren jardunaldia. Zarautzen izango da, goizeko 11:00etan hasita.