Asteburu mugitua izaten ari da hau ‘Maialen’ traineruko neskentzat. Ondarroan izan ziren atzo, eta gaur, Pasai San Pedron egingo dute arraun, eguerdiko 12:00etan hasita.
Zazpigarren, Ondarroan
Arratsaldez izan zuten zita oraingo honetan Hernaniko arraunlariek. Aukera paregabea zuten Zumaiako estropada atzean utzi, indartsu atera eta Gipuzkoako Emakumezkoen Traineru Ligako sailkapenerako puntuak eskuratzeko. Izan ere, Deustorekin duen tartea haunditzea komeni zaie.
Zazpigarren izan zen ‘Maialen’ Ondarroan, 11:57,51 minutuko denbora eginda.
Baina norgehiagoka horretan, bizkaitarrak gailendu ziren, eta Hernani zazpigarren postuarekin konformatu behar izan zen. Hernaniko arraunlariek 11:57,51 minutuko denbora egin zuten, baina Deustoko neskek 8 segundu lehenago iristea lortu zuten.
Hala ere, Maialenek atzean utzi zituen, beste behin, Hondarribia eta Colindres taldeak.