AMHER eta Udalaren laguntzaz, Ecuaboley txapelketa bat antolatu dute gaurko Ecuadorreko hainbat emakumek. Eguerdiko 14:00etan hasiko da jardunaldia Ecuadorren tipikoak diren platerez osatutako bazkari herrikoi batekin.
Eta denek bapo bazkaldu ondoren, 16:00ak aldera, hasiko da txapelketa.
Herritarrak, gonbidatuta
Hernanin arratsaldero eta hainbat asteburutan jokatzen duten sei emakumeez gain, mutilak ere animatu dituzte txapelketan parte hartzera, baita beste herritarrak ere. Irekia da, eta beraiek bezala kirol hau atsegin dutenak eskuak irekita hartuko dituztela jakinarazi dute.