Gaur arratsaldeko 20:00etan emango zaie hasiera Brasilen aurtengo Joko Olinpikoei (biharko goizeko 01:00etan, hemen). Irekiera berezia izango da, baina hernaniarrentzat bereziagoa izango da ordu batzuk lehenago, arratsaldeko 18:00etan, Landaren egingo dena.
Urte asko dira Joko Olinpikoetan hernaniarrik izan ez dela, eta aurten, Igor Genua errugbilariak ordezkatuko du herria; horregatik, Joko Olinpikoak hasiko diten egunean bertan omenaldi berezia egin nahi izan dio bere klubak, HCREk, Genuaren beraren familiarekin eta bertan izango diren herritarrekin batera.
Ekitaldiari bukaera emateko, luntxa eskainiko dute Landareko kantinan.
Arratsaldeko 17:45etan, ongietorria
Arratsaldeko 18:00etan egingo da Bandera Olinpikoaren igoera, baina horren aurretik, 17:45ak aldera, Azeri Dantzaren doinuek emango diete ongietorria herritarrei.
Ondoren, behin bandera igota, Juan Rodriguez Errugbi Elkarteko lehendakariak hitzaldi laburra eskainiko du, eta hitza hartzeko aukera emango die beste elkarteetako ordezkariei.
Ekitaldiari bukaera borobila emateko, luntxa eskainiko diete bertaratutakoei, Landareko kantinan.