Bihar hasiko dira ofizialki aurtengo Joko Olinpikoak. Dena prest dago Rion, eta bertan da Igor Genua hernaniarra Estatuko Rugby Seven taldearekin. Horregatik, Genuaren omenez, Bandera Olinpikoaren igoera ekitaldia egingo du Hernaniko Errugby elkarteak bihar Landaren.
Arratsaldeko 17:45etan egingo zaie ongietorria herritarrei Azeri Dantzaren doinuak lagunduta, eta 18:00etan hasiko da ekitaldia.
Bandera Olinpikoa igoko da, hasteko, eta ondoren, Juan Rodriguez Klubeko lehendakariak hartuko du hitza. Bukatzeko, luntxa eskainiko dute.
Klubak herriko errugbizaleak animatu nahi ditu Landarera. Bertan izango da, halaber, Genuaren familia.
Bandera Olinpikoa igoko dute bihar Landaren, Igor Genuaren omenez
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!