Jende asko eta partidu ederra, raketa modalitatearen bueltan

36 urteren ondoren, raketistak bueltan izan ziren kantxan, aurreko igandean, Erren­te­ri­a­ko Agustina Otaola frontoian. Partidu berezia jokatu zuten, modalitatea berreskuratzeko, eta erakustaldi polita eskaini zuten. Amaia Irazustabarrena hernaniarrak irabazi egin zuen, Nagore Martin lagun, Susa­na Murieta eta Maria Saezen kontra (30-25).
Baina emaitza izan zen gutxienekoa. Ikusitakoarekin «pozik eta txundituta» geratu ziren, garai batean raketista profesional izan ziren emakumeak: «harrigarria; guk, mai­la horretara iristeko, urteak eman genituen, eta hauek be­rriz, bi hilabetetan...», zioten.
Izan ere, ikusleen artean zeuden Agustina Otaola bera, Lucia Areitioaurtena, Miren Uzkudun Asteasu, Maria Dolo­res Larramendi, Ramonita Gametxo, Rosa Soroa, Gloria Agirre Txikita de Aizarna eta Maria Elena Hernández.
Otaolak ematen dio izena frontoiari, joan den urtean izena aldatu zio­tenetik, Fan­deria zenari. 26 urtetan izan zen profesionala Otaola, aurre­lari gisa, baita bere garaiko one­netakoa izan ere, Madri­len, Bartzelonan eta Kuban.