Atzo hasi zen Udaparkean egitasmoa, Ave Maria parkean, eta zita hirukoitza prestatu dute gaurko. 19:00etan hasita, zirku-antzerki saioa izango da aurrena, Shakti Olaizolaren eskutik. Irakurtzen ari den neska baten mundu bitxian murgilduko dira ikusleak, ordu erdiz.
Gero, 20:00etan, Valium antzezlana eskainiko du La Burla talde hernaniarrak, gaztelaniaz, helduentzat. Sandra da protagonista, Goya saria irabazi duen aktore bat, Vito lagunaren bisita jasoko duena, eta elkarrekin egingo diete aurre, udara batean, beraien arazoei.
Eta azkenik, 22:00etan, Bypass pelikula jarriko dute, euskeraz eta guztientzat, Gorka Otxoa eta Barbara Goenagarekin, besteak beste.