Telmo Semperenak zazpigarren bukatu du Gipuzkoako rankinean

Igandean lehiatu zuten azke­neko proba, Gipuzkoako erre­pi­deko egutegian, txirrindulari kadeteek. Azpeitian izan zen, eta tartean ziren Telmo Sem­pe­rena eta Tomas Otermin asti­gartarrak. Azkeneko igoeran geratu ziren atzean, baina biek lortu zuten proba bukatzea, 29 eta 56garren postuetan.
Horrekin, rankineko zazpi­ga­rren bukatu du denboraldia Semperenak; aurreneko urteko bigarrena izan da, soilik Julen Do­rron­­sororen atzetik. Gaine­ra, Beasainen irabazi zuen, eta beste zenbaitetan, tarteko hel­mu­gak eta mendia ere irabazi ditu.

Urko Semperena, aurrean
Jubenilek, bere aldetik, Euskal Herria Torneoko bi proba izan dituzte, Zumaian eta Amore­bietan. Eta bietan sartu da au­rrean Urko Semperena astigar­tarra: 13garren Zumaian, eta 19garren Amorebietan. Gaine­ra, taldeka irabazi zuen Zumaian, bost taldekide sartuta aurrene­ko hogeien artean.
Asteburu honetan, Euska­di­ko Pistako Txapelketak lehia­tu­ko dituzte Semperena anaiek, ka­dete eta jubeniletan, Bizkaia­ko Berriz herrian.