Mugalariak gogoratzeko ekintzak, abuztuan

Bigarren Mundu Gerra ga­ra­ian milaka pertsonek egin zu­ten ihes naziek Europa hartu zutenean. Hori ikusita, sare klan­destino bat sortu zuten iheslari horiei laguntzeko asmoz. Euskal Pirinioak, baita Bidasoako aldea ere, ezin­besteko babesleku izan ziren, bertan baitzeuden etxe aterpe gehienak, baita mugalariak ere.
Urteak pasata, euskal­dunek egindako lan hori go­rai­patu behar dela aldarrikatu nahi du Bidasoa Askatasun Bideak elkarteak, eta horre­tarako, zenbait ekintza anto­latu ditu abuztuaren 18, 19 eta 20rako.

Bilera informatiboa eta afaria, hasteko
Aurreneko ekintza abuztuaren 18an izango da, arratsaldeko 19:00etan. Orduan aur­kez­­tuko dira hurrengo egu­netan izan­go diren ibilalditxo eta ome­nal­diak. Donostiako Ola­rain ikas­­tetxe nagusian (Ondarreta pasealekua, 24) bil­du­ko dira, eta ondoren, afaria egingo du­te bertaratutakoek.

Urruñatik Donostiara bi ibilbide egingo dituzte abuztuaren 19an; goizez, bata, eta gauez, bestea.

Abuztuaren 19an, egun eta gauez
Abuztuaren 19an izango da egun potoloena. Orduan egin­go dira Bidasoa Aska­tasu­na­ren Bideak plante­atutako bi ibilaldiak. Urruñatik Oiar­tzunera izango dira biak, bata goizez, eta bestea gauez. 
Goizeko 08:00etan abiatuko da autobusez aurreneko tal­dea, Olarain ikastetxe na­gusitik. Bertatik, Iparraldeko Urruña herrira joango dira eta Kalbario mendipean geldituko dira, 08:45ak aldera. Ondoren, Bidasoa ibaira joango dira, 11:15etan, eta ordu erdi be­ran­duago Irungo San Miguelen egin­go diote omenaldia Mari­txu Anatol eta beste lagun­tzaileei.
Bazkalondoren, Oiartzungo Ergoien auzoan egingo dute geldialdia arratsaldeko 17:00e­tan, eta handik buelta egingo dute gero, Olarain ikas­tetxera.
Ibilbide bera errepikatuko dute gauean, baina ordutegia hau izango da: iluntzeko 20:00etan aterako dira Olarain ikastetxetik; 20:45etan egingo dute geldialdia Urruñako Kal­bario mendipean; 23:00etan joango dira Bidasoa ibaira; 23:30etan Irungo San Mi­guelera; eta goizeko 05:00etan Oiartzungo Ergoien auzoan bukatuko dute ibilbidea.
Ibilaldian parte hartu ahal izateko, antolatzaileek diote «ibiltariek sasoian egon eta mendian ibiltzen esperientzia pixka bat» izan behar dutela; dena den, ibilaldiaren zail­tasuna «moderatua» da. 

Abuztuaren 20an, ihes-sa­ree­ta­ko mugalari eta lagun­tzaileei omenaldia egingo zaie, jardunaldi berezia bukatzeko.

Laguntzaileei omenaldia, bukatzeko
Abuztuaren 20ean egingo dute azkeneko ekintza; ihes-sa­ree­ta­ko mugalari eta lagun­tzaileei omenaldia egingo zaie jardunaldi berezi honetan. Ho­rretarako, goizeko 09:00e­tan aterako da autobusa Do­nos­tiatik Oiartzunera, eta ber­tan hasiko dira ome­naldiak. Oiar­tzunen, Maria Garayar eta Pe­dro Arbide izango dira au­rre­nekoak. 
Hori bukatuta, zortzi ihes­lariz osatutako taldea Erren­teriara joango da bizikletaz, duela 75 urteko ihesbidea iru­dikatuz. Ibilbidea bukatzeko, Errenteriako Biteri kalean omenduko dituzte Maria Ar­bi­de, Ignacio Urbieta eta beste laguntzaileei.
Horren ondoren, Donos­tiako Gros auzora abiatuko dira trenez Lezotik, eta bertan egingo dute geldialdia Ber­nando Ara­camaren etxearen au­rre­an, bera izan baitzen Bigarren Mun­du Gerra bitar­tean sareen logis­­tikaz ardu­ratu zena.
Ibilbideari bukaera ema­te­ko, Hernanira abiatuko dira au­to­busean, eta bertan bisi­tatuko dute Loidiko lau muga­larien monumentua. 
Dena bukatuta, sagardotegi batean egingo dute bazkaria, eta aukeran, pintxo-potea egin­­­go dute Donostiako Alde Zaharretik.

Izenematea, irekita
Ekintza hauetan parte hartu ahal izateko, ezinbestekoa izan­­go da aurretik izena ema­tea. Horretarako, Bidasoa As­ka­tasun Bideak elkar­tearekin jarri beharko da harrema­netan: askatasunbideak@­g­mail.­com. Ekintza bakoitzak 25 euroko kostua izango du.

Donostia 2016ko programan
Abuztuaren erdialdean egingo diren jardunaldi berezi hauek Bidasoa Askatasun Bideak el­kar­teak antolatu dituen arren, Donostia 2016 europar hiri­burutzaren programa ofizia­lean dago, Energia Olatuak eki­meneko epaimahaiak hala erabakita.