Laburra izango da uztaileko ohiko plenoa. Gaur bilduko dira, hilabeteko azkeneko asteartean, eta soilik lau puntu izango dituzte lantzeko.
Arratsaldeko 19:00etatik aurrera izango da hori, Hernaniko udaletxeko pleno aretoan, beti bezala.
Bertan, aurreko plenoko akta onartuko dute lehenik, eta uztailean eman ziren dekretuak jakinaraziko dituzte ondoren.
Eskualdeko enplegu plana onartzea, tartean
Hirugarren puntua izango da, 2016 ekitaldirako eskualdeko enplegu plana onartzea.
Eta plenoa bukatzeko, deklarazio instituzionala egingo dute, udalerri osoan herbizidak ez erabiltzearen alde.