Asfaltatze lanak egingo ditu Udalak aste honetan, oinezkoen mugikortasuna sustatu eta bermatzeko

Udalak hainbat lan egingo ditu datozen egunetan, oi­nez­koen mugikortasuna sustatu eta bermatzeko helburuarekin. Azaldu due­nez, asfaltatze lanak egingo di­tu uztailaren 26tik 29ra, hau da, bihartik ostiralera; beti ere, eguraldiak laguntzen ba­du. Kronikara bidalitako oha­rrean zehaztu dutenez, hain­bat asfaltatze lan burutuko dira batetik; bestetik, zebra­bideak egin eta berrituko ditu Udalak; eta az­kenik, beste hainbat ego­kitzapen ere, egingo dira.

Hainbat gune egokituko dira
Hiru gunetan hainbat molda­keta egingo ditu Udalak, ego­kitzeko asmoz: Karmelo Laba­ka kalean, Marieluts auzoan eta Elkano kalean. Oharrean azaldu dutenez, Karmelo La­ba­ka ka­lean, 5garren atari pareko gu­nean, hau da, Eros­kiko parki­neko sarreran egin­go dituzte lanak. Hauek iraun bitartean, ibilgailuek txanda­ka pasatzeko aukera izango dute. Bestalde, Marieluts au­zo­an dagoen erro­tondan, Mea­be eraikinaren par­ean, egin­go dituzte hainbat egoki­tza­pen; kasu honetan, autoek garajetik ateratzeko aukera izango dute, baina ezingo dute sartu. Eta azkenik, Elkano 7 atzealdean, Urumea ikastola erai­kina zenaren ondoan egin­go dituzte lanak; zamala­ne­tarako gunea egokituko du­te, eta lanek ez diote erre­pideari eragingo.

Zebrabideak egin eta berrituko ditu Udalak
Udalak aste honetan hiru ze­brabide egin edo berrituko di­tu­ela ere jakinarazi du. Horie­ta­ko bi Karmelo Labakan dau­de: se­ma­foroan dagoen zebrabidea ego­kitu egingo dute. Eta kalea­ren erdialdean berriz, zebrabide berria egingo dute. Bi kasuetan, lanek iraun bi­tartean, kalea itxita egongo  da trafikoaren­tzat. Hirugarren ze­bra­­bi­dea, berria, Udal Euskalt­egitik Milagrosa eraikinaren atzeal­dera egingo dute. Lanak iraun bitartean, ibilgailuek txanda­ka pasatzeko aukera izango dute.

Asfaltatzea, Portura bidean
Azkenik, asfaltatze lanen berri eman du Udalak. Batetik, Leo­kako garbilekuaren gainal­de­tik, tren­bide azpiko zubiraino egingo ditu lanak; eta bestetik, tren­bide azpiko tuneletik Pipi­ri­taruntz dijoan bidean, Eliza­txo auzoko sarrerako aldapa­rai­no egingo ditu. Bi kasuetan, lanek iraun bitartean, ibilgai­luek txandaka pasatzeko au­kera izango dute.

Zebrabide berria, Karmelo Labakan

Aipatu bezala, aurrekontu partehartzaileetan erabakitako beste proposamen bat burutuko du aste honetan Udalak. Hernania­rrek 2016ko aurrekontuetan txertatzea erabaki zuten Karmelo Labaka kalearen erdialdean zebrabide berri bat egitea; eta Udalak jakinarazi duenez, aste honetan egingo du. Era berean, gogoratu du hainbat proposamen egin direla dagoeneko: Lizeaga aparkalekuak, Tilosetako lurra asfaltatzea, Sagastialdeko ar­giteria hobetzea...