Santio jaietan denek daukate gozatzeko eta ondo pasatzeko tartea, eta halaxe egin dute Aranoko Pala Txapelketan ere. Eta azkeneko gozagarria, aurreko igandean izan zuten. Jaiei ongietorria emanez, txapelketako finalak eta 3-4 postuen lehiarako partiduak jokatu zituzten, goiz osoan zehar.
Ba Alaitzek eta Idoiak jantzi zuten txapela, nesketan, 22-15 irabazita Maitane eta Naroari. Eta mutilen txapelketan, berriz, Salegi eta Lozano izan dira onenak, finalean Loidi eta Amasen kontra nagusituta (22-14).
Hirugarren posturako, oso partidu estuak
Lehiatuak izan baziren bi finalak, oraindik eta estuagoak izan ziren hirugarren posturako lehiak.
Nesketan, Emerenek eta Eiderrek irabazi zuten, Garbiñe eta Ainararen kontra, bi tantoren aldearekin (22-20). Eta mutiletan, azken tantoan erabaki zen, zein izanen zen hirugarren: 22-21 irabazi zuten Eztebek eta Ganixek, Ruiz eta Zubimendiren kontra.
Finalaren ondoren, ederki ospatu zuten denek, galdu edo irabazi, bazkari baten bueltan. 26 lagun elkartu ziren, Aranoko Kontsejuan, bapo bazkaltzeko. n