Bost egun, festaz blai!

Astigartarrak Santio fes­tetan murgilduta dira atzotik.  Goldea elkarteak bota zuen festak lehertu zituen suziria, aurten 25 urte betetzen di­tu­en elkarteak. Aurretik ere izan zen festarako tarterik: goi­ze­an txikien txupinazoa izan zen, eta hauentzako beste hain­bat ekitaldi ere izan ziren arratsaldera bitartean. Atzo zabaldu ziren baita ere fes­te­tako hainbat gune: barrakak, gazte asanbladaren txosna...

Herri bazkaria, emakumeen giza proba, bazkaria... gaur
Atzoko rodajea eta gero, festak gaur izango du segida. Iker Ruizen omenezko sas­kibaloi partiduekin irekiko du­te egitaraua. Txikienek jo­las parkea izango dute goiz eta arratsalde. Eta herritar gehien elkartuko dituen ekitaldiak bi izango dira eguerdi partean: Gazte Asanbladak antola­tu­tako herri bazkaria eta Gal­tzaur elkarteko kideek egingo dutena. Arratsaldean musika izango da pro­ta­gonista: bi txa­rangek girotuko dute herria; eta dantzaldia ere izango da. Eguneko nobe­dadeetako bat berriz, Ema­kumeen Igo Giza Proba to­paketa izango da: Foru Plazan izango da ikus­kizuna, 19:00etan. Eta gauean, musika eta ikuskizunek ja­rriko dute festa: Niño costrini umo­rista argentinarra J. Ba­ran­diaran plazan egongo da; eta Sugarri Show fanfarrea ka­lez kale. Kontzertuak ere ez dira nolanahikoak izango: Zopilotes Txirriaos taldeak joko du txosnan; eta The Sinners eta DJ Gary ere bertan izango dira.

Denetarik, bihar ere
Igandean ere, adin guztie­ta­rako egitaraua antolatu dute: toka txapelketa, paintball gu­nea eta haurrentzako antzer­kia izango dira eguerdira bi­tar­tean. Astigarragako Gure Es­ku Dagok aurreneko aldiz baz­karia antolatu du bihar. Urtean zehar hainbat ekitaldi antolatu dituzte, eta hau da ho­rietako bat: «jaia nagusi izango bada ere, mahaiaren bueltan izango da hitz egiteko aukera». Apar festa eta txa­ranga izango dira arra­tsaldeko aurreneko orduetan. Foru plazan sokamuturra txi­kia antolatu dute, eta antzeko orduan, bertso saioa izango da txosnan. Handik aurrera, musika izango da nagusi: Errumaniako musika herriko­ia Barandiaran plazan, Ne­mux diskoteka leku be­rean, eta Arto2xar eta Pinotxet tal­deen kontzertua txosnan.

Santio eta Santa Ana, egun haundiak
Ohi bezala, bi egun izango dira astigartarrentzat bere­ziak. Ba­tetik, patroiaren egu­na: San­tio. Astelehenarekin ospatuko du­te aurten. Egun honetan ekitaldi berezi ugari izango dira: Diana, meza, udalbatza­ren soka dantza, Astigar dan­tza taldearen emanaldia, haur berbena, la­rrain dantza... eta nola ez, musikarekin lotutako ikusk­izunak: tartean, Golden Apple Quarteten emanaldia.
Santa Ana eguna izango da festetako beste egun berezia; ba­serri­ta­rren eguna bezala ere eza­guna.  Goizeko 10:30etatik au­rrera Foru plazaren bueltan izango dira eguneko ekitaldi na­gusiak: pelota jaialdia, sa­gar­do das­taketa, idi dema, ber­tsolariak... Arratsaldean ere, eszenatoki berean izango da herri kirol jaialdia. Eta nos­ki, musika eta bestelakoak ez di­ra faltako festak agurtzeko.

UZTAILAK 23, LARUNBATA
10:00 XVI. Iker Ruizen oroimenezko 3x3 saskibaloia Kiroldegian. Sariak 18:00etan.
11:30 Jolas parkeak ikastolako atarian eta ‘Wipe out’ 10 urtetik gorakoentzat. Txomiñenea pelotalekuan.
13:00 Gazteen trikipoteoa AGAk antolatuta.
14:00 Herri bazkariak: erretiratuen bazkaria Galtzaur elkartean eta gazteena txosnan.
16:00 ‘Duo Imperial’ bikotearekin Dantzaldia Noberto Almandoz Plazan.
16:30 Elektrokalejira txosnan.
17:00 Jolas parkeak ikastolako atarian eta ‘Wipe out’ 10 urtetik gorakoentzat Txomiñenea pelotalekuan.
18:00 ‘Artistas del gremio’ Txaranga.
19:00 Emakumeen Igo Giza Proba Topaketa Foru Plazan.
23:00 ‘Niño Costrini’ umorista argentinarra J. Barandiaran Plazan.
23:30 ‘The Sinners’, ‘Zopilotes Txirriaos’ eta DJ Gary txosnan.
00:00 ‘Sugarri show’ fanfarrea kalez kale.
00:00 Droga kontsumoan arriskua murrizteko Testing gunea Tomas Alba kalean.

UZTAILAK 24, IGANDEA
10:00 Euskadiko Toka Txapelketa Norberto Almandoz plazan.
11:00 Paintball gunea ikastolako
atarian.
12:30 ‘Reziklator’ haurrentzako an­tzerki musikala J. Barandiaran Plazan.
14:00 Herri bazkaria: Gure Esku Dago taldeak antolatuta Foru Plazan.
16:00 Paintball gunea ikastolako atarian.
17:00 Apar Festa ikastolako atarian.
18:00 Pasai txaranga.
18:30 Sokamuturra txikia Foru Plazan.
19:00 Bertso saioa txosnan.
20:00 Errumaniako musika herrikoa J. Barandiaran plazan.
23:00 Nemux diskoteka J. Barandia­ran plazan eta 02:00etan apar festa.
23:30 ‘Arto2xar’ eta ‘Pinotxet’ taldeen kontzertua txosnan.

UZTAILAK 25, ASTELEHENA
09:30 Txirriskla elkarteko txistularien Diana berezia.
10:00 Haurrentzako IX Txirrindularitza
proba Arrobitxulo kalean.
10:30 Joko tradizionalak 4-11 urte bitarteko haurrentzat Mundarro plazan.
11:00 Meza nagusia Santiagomendiko Done Jakue ermitan eta ondoren txistulariak.
12:30 Udalbatzaren soka dantza Foru Plazan.
13:00 Golden Apple Quarteten ‘Ver­mu’ ikuskizuna Joseba Barandiaran plazan.
18:00 Astigar taldearen Dantza Erakustaldia Txomiñenea pelotalekuan.
19:30 Idien pisatzea Foru Plazan.
19:30 Haur berbena Sagardo plazan.
20:00 ‘Apalatxe’ eta ‘Kike Tormenta’ taldeen kontzertua txosnan.
22:30 Toom Pack taldearen Perkusio Ikuskizuna J. Barandiaran Plazan.
23:30 ‘Artritis’ eta ‘Ezten giro’ taldeen kontzertua txosnan.
00:00 Larrain dantza herrikoia Foru Plazatik abiatuta.

UZTAILAK 26, ASTEARTEA
09:30 Zubietako joaldunak eta herriko trikitilari gazteak.
10:30 Pelota jaialdia: Titin III-Sanchez eta Loidi-Begino Txomiñenea pelotalekuan.
11:30 Santa Ana eguneko jarduerak Foru Plazan: San Joan baleontziaren eraikitze lanak eta erakustaldia, sagardo dastatzea, idi dema 1.500 kiloko harriarekin.
12:00 Agin Laburu eta Aitor Mendiluze bertsolariak.
17:30 Bingoa Galtzaur elkartean.   
18:00 Herri kirol jaialdia Foru plazan.
18:00 Circortito konpainiaren zirku ikuskizuna Apeztegi plazan.
19:00 Laiotz taldearen berbena, Joseba Barandiaran plazan.
19:30 Trikitilariak Foru Plazan.
19:30 Hegaluze pintxoak eta Gerni­kako piperrak J. Barandiaran plazan.
22:00 Laiotz taldearen berbena, Joseba Barandiaran plazan.
23:00 Gaubela ekintzak txosnan.
23:00 Ragnarock Kalejira piroteknikoa Kale Nagusian, Aranibarko zubitik hasita.