Nolakoa behar du Lizeagaren etorkizunak?

Lizeaga auzoan parte hartze prozesu berri bat jarri dute martxan, helburu nagusi batekin: auzoaren hobekuntza osorako ekintza lerroak defi­nitzea. Kronikara bidalitako prentsa oharrean azaldu moduan, prozesua Udalak sustatu du, auzotarrek eskari horixe bideratu baitute Gi­be­lalde auzo elkartearen bidez. Prozesua aurrera RB3 Hiru Berrikuntza Integratua en­pre­sa gipuzkoarrak eramango du aurrera, hiri berroneraketa proiektuetan eta honi lotutako gizarte elkarrizketa proze­su­etan aditua denak. Proze­sua­ren izena Gibelalde elkar­tea­rekin erabaki da: Lizeaga 3.0.

Proposamen orokor bat, auzoaren etorkizunarentzat
Oharrean azaldu dutenez, prozesuarekin lortu nahi da auzoaren etorkizuna ze­haz­tuko duen plangintza bat egitea, epe luzera, auzoaren hobekuntzarako proposamen orokorrak definituko dituena: «berroneraketa prozesua bul­tzatzeko, hobekuntza proiektu bat garatuko da, parte hartze fasean definituko den auzoko gune fisiko zehatz batean».

Prozesuarekin lortu nahi da, auzoaren etorkizuna zehaztuko duen plangintza bat egitea, epe luzera, auzoaren hobekuntzak bilduko dituena.

Prozesuak bi fase izango ditu
Enpresaren metodologia ja­rrai­tuz, prozesuak bi fase izango dituela zehaztu dute: aurre fasea eta parte hartze fasea.
Aurre fasean auzoarekin lo­tutako dokumentazioa az­ter­tzen ari dira, eragile tek­ni­ko, politiko eta sozial ezber­di­nekin. Elkarrizketak eta landa bisitak egiten ari dira: «honen helburua da auzoaren arazo eta aukerak identifika­tzen dituen aurre diagnostiko bat bu­rutzea, eta prozesua norai­no iritsi daitekeen zehaztea».

Aurreneko fasean auzoarekin lotutako dokumentazioa azter­tzen ari dira eragile tekniko, politiko eta sozial ezberdinekin. Elkarrizketak eta bisitak ari dira egiten.

Bigarren fasea, parte­har­tzailea izango dena,  iraila edo urri partean hastea aurreikusi dute, eta urte bukaerara arte luzatuko da. Aurreko fasearen emaitza izango da prozesu par­tehartzailearen abiapun­tua. Auzoan zehar zabalduko da informazioa eta Udaleko webgunean publikatu da txostena. Partehartze fasea irailean, auzoko jaiekin batera martxan jarri nahi dute: «au­zoan zehar ekintza dibul­ga­tzai­le bat egingo da. Herri­tarren ekarpenak jaso­tze­ko bidea izango da hori, aurretik egindako diagnos­tikoa abe­ras­te aldera».

Bigarren fasea partehartzailea izango da eta bertan jasoko dira herritarren ekarpenak. Ondoren bost talde egingo dira, hausnarketa bat egiteko asmoz.

Ondoren, talde hausnarke­ta bat planteatuko da: «egitu­ratutako bost parte hartze tai­l­er burutuko dira, eta hauek bi­­de­ratuko dira inguruko iza­era eta arazoekin bat dato­rren proposamen bat defini­tze­ko». Tai­ler hauek ha­mabost egu­ne­tik behin egingo dira, arra­­tsal­dez, Lizeagako lokale­tan: «tai­ler bakoitzaren txos­ten par­tzial bat ida­tziko da eta hauek auzoan zabaldu eta Uda­leko web­gu­ne­an publi­ka­tu­ko dira. Herritar orok kali­ta­tez parte hartu ahal izango du, eta horretarako be­harrezko den infor­mazioa izan du».