Zinemaz kalean gozatzeko aukera izaten ari dira hernaniarrak azken bi egunetan. Txileko diktadura lantzen dute bi dokumentalek, eta helburua da errealitate hori gertuagotik ezagutzea. Atzo Nostalgia de la luz dokumentala jarri zuten, eta gaurkoan El botón de Nacar izango da ikusgai. Hasierako asmoa Tilosetan proiektatzea bazen ere, arkupetan ari dira izaten: hitzordua, iluntzeko 22:30etan.
Urak ezkutatzen duena...
El botón de Nácar dokumentalak uraren memoria eta ahotsa kontatzen ditu. 2015ean grabatutako dokumentala da, Patricio Guzman zuzendari eta gidoigilearena. Txilen dago grabatua, eta 83 minututan kontatzen ditu patagondar indigenen sarraskia eta Txileko diktadura. Bertan azaltzen den moduan, Txilek 2.670 miliako kosta du, eta sumendi, mendi eta glaziarrak ere baditu. Bertan dauden indigenen ahotsei lekua ematen dio dokumentalak, eta baita ere lehen marinel ingelesen eta preso politikoen ahotsei. Urak memoria duela kontatzen da bertan.