Hiru eguneko irteera antolatu du Mendiriz Mendik asteburuan: 23tik 25era. Viados, Estós eta Salvaguardiatik barrena egingo dute buelta, Pirineotan barrena, eta 2.736 metroko tontorra igoko dute.
Larunbatean bertan aterako dira 07:00etan Atsegindegitik. Prezioak ere zehaztu dituzte: Bazkide eta FEDME direnek 120 euro ordaindu behar dituzte; aldiz, bazkide ez direnek eta FEDME ez dutenek 130 euro ordaindu behar dituzte; eta azkenik, bazkide ez direnek 10 euro gehiago ordaindu beharko dituzte. Azaldu dutenez, prezioan sartzen dira bidaia, mendizaleak Viadosera igoko dituen taxia, 2 afari, 2 gosari eta lo egitea.
Izena eman nahi duenak bihar du azkeneko eguna, elkarteko bulegoan, 20:00-21:00 ordutegian.