«Eskatzen dugu, osasun arloan legeek diotena betetzea, presoekin ere»

Plazatik abiatu eta Santa Bar­barara, mendi martxa egin zuten atzo, ehundik gora herri­tarrek, larriki gaixo dauden pre­soen eskubideak aldarrika­tzeko; bereziki, Ibon Fernan­dez Iradi eta Gari Arruarte­re­n eskubideak.
Eguerdian elkartu ziren go­­torlekuan, Lasarte-Oriatik joan zirenekin, eta trikitilari, dan­tzari eta bertsolari artean, ma­­nifestua ere irakurri zuten, osa­sungintzan lan egiten du­ten hainbat lasartearrek ida­tzia: «euskal presoekin kartzeletan osasun arloan ematen diren eskubide urraketez ohar­tarazi nahi dugu. Legediak ahalbidetzen du tratamendu egokia jaso ahal izateko, larriki gaixo dauden presoei baldin­tzapeko askatasuna ematea. Pertsona guztiek dute osasunerako esku­bidea, eta gaixotasunen tratamendu eta zain­tza ahalik eta era egokienean ja­so­tzekoa. Horregatik eskatzen du­gu euskal presoei ezar­tzen zaizkien salbuespeneko neurriekin amaitzea, eta osasun arloan legeek diotena betetzea».