Gainean dauzkagu Astigarragako Santio Jaiak, datorren ostiralean hasiko dira eta. Baina festa gogoa pixka bat asetzeko, eta jaietarako beroketak egiteko, kirola, musika eta dantza izango da herrian, asteburu honetan ere.
Astigarragako Herri Krosa jokatuko da gaur arratsaldean, eta gauean, dantza ikuskizuna eskainiko du frontoian, Aukeran konpainiak.
Bihar, berriz, ez du huts egingo Trial Txapelketak, goizean, Zarkumendegin. Eta ezta musikak ere, arratsaldean, Joseba Barandiaran plazan.
ASTEBURUKO EGITARAUA
GAUR, larunbata
17:00, Astigarragako XIV. Herri Krosa. Izenematea: Apeztegi plazan, 16:00ak arte. Sari banaketa, 18:00etan Joseba Barandiaran plazan.
22:30, Aukeran konpainiaren Maurizia dantza ikuskizuna, Txomiñenea frontoian.
BIHAR, igandea
09:30, Astigarragako XI. Trail Txapelketa, Pablo Leoneten oroimenez, Zarkumendegin. Euskadiko Txapelketarako puntuagarria. Gipuzkoako Real Moto Club elkartea.
18:00, III. Urumea Blues & Country jaialdia, Joseba Barandiaran plazan: Bilboko Mud Candies 18:00etan, eta Donostiako Old Charm 20:00etan.