Aurten ere martxan dira Ereñotzuko udaleku irekiak. Eskolako egunak atzean utzi, eta oporrez disfrutatzeko modua da askorentzat, udaleku irekiena. Edizio honetan 37 neska-mutil animatu dira, eta ohi bezala, plan mordoxka dituzte aurretik: errekara eta Hernaniko igerileku irekietara irteera, ur festa, herri kirolak, piraguismoa, eskalada... Lagunarten une atsegin ugari pasatzekoak dira, aurten ere!