Urko Semperena hamargarren, Euskadiko erlojupekoan

Kronika - Erredakzioa 2016ko uzt. 9a, 02:00

Lan polita egin zuen Urko Semperenak aurreko igandean, Euskadiko erlojupeko txapelketan, jubenilen kategorian. 10garren sailkatu zen astigartarra, eta bere taldea izan zen bakarra, hamar lehenengoetan bi sartzen; hiru­garren sailkatu baitzen Xabier Mikel Azparren taldekidea.
Aurreko egunean, berriz, 17garren izan zen Semperena Oteizan, Nafarroan, ihesaldian jokatu baitzen garaipena. Tro­pelaren buruan iritsi zen astigartarra, eta ihesaldiko bat edo beste gainditu zuen.
Telmo Semperena kadetea, bere al­de­tik, 33garren sailkatu zen Amarozko Sarian. 119 txirrindularitik, 55ek bakarrik lortu zuten bukatzea, tartean berak, azkeneko igoeran atzean ge­ra­tu ondoren.

Mendaron eta Arrasaten, asteburuko zitak
Mendaron arituko da Urko Sem­perena, gaur arratsaldean, Javier Ezenarro Oroiga­rrian. Telmo Semperenak, be­rriz, bihar goizean dauka zita, Arrasateko Sarian. 

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!