Atez ateko sistema gertutik ezagutzera, Bristoletik Hernanira gaur

Bristoletik etorriko dira gaur Hernanira, hemengo hiri hon­dakinen kudeaketa sistema, atez ateko sistema, gertutik ezagutze­ra.
Izan ere, Zero Waste estra­tegian murgildu berri da hiri ingelesa, eta aztertzen ari dira, Europako birzkiklapen tasarik altuenetakoa duten ereduak; tartean, Hernani eta Usurbilen martxan dauden ereduak.

‘Bristol Waste Company’ko ordezkaria, bertan
Gaur egingo du bisita Herna­ni­ra, Bristol Waste Company enpresako ordezkari batek, Lucie Pecinkovak, eta Udaleko eta Hernanin Zero Zaborreko kideekin elkartuko da. Enpre­sa pu­blikoa da Bristol Waste Com­pany, hiri hondakinen kudea­ketaz eta kaleen garbi­ke­taz arduratzen dena.
Bristolen, 440.000 biztanle­rekin, %45ekoa da birziklapen tasa, eta kopuru hori hobe­tzeko lanean ari dira, Herna­niko Udalak azaldu duenez. Horregatik hartu dute Zero Waste estrategia, eta Europan dauden ereduak ikertzen hasi dira, birzikla­pen tasa altuene­ta­koak (%80 ingurukoak) dituz­ten herrie­ta­­ko esperientzia ezagutuz, eta arrakasta ho­rretan herri­tarrek eta herri mugimenduek jokatzen duten papera aztertuz.