Aurreko larunbatean egin zuen bilera, BagaGiltza taldeak, eta azaldu zuten, martxan dauzkatela tramiteak, elkartea legalki sortzeko.
Bertan jakinarazi zuten, baita ere, Astigarragan taldea osatu dela, eta aurreratu zuten, elkarrekin egingo dutela kontsulta bi herrietan, Hernanin eta Astigarragan, datorren urteko udaberrian. Prozesua bera ere, elkarrekin eramango dute aurrera, bi herrietan.
Indartsu hastea, helburua
Horretarako, adostu zuten irailaren 25ean hastea sinadura bilketa, herri galdeketarako. Kanpaina indartsu hastea dute helburu, kalean eta auzoetan jendearekin egonda, oihartzun haundia izan dezan.
Hurrengo batzarra, irailean
Hurrengo bilerarako ere jarri dute zita, irailean bertan. Hilaren 10ean izango da, goizeko 10:00etan Biterin. Irekia izango da hori ere, eta herritar guztiak gonbidatu dituzte.