«Festetako lehiak jendea erakartzeko egin behar dira, gure lana ikusiz gozatzeko»

Ia zuzenean etorriko zara Estatu Batuetatik Martindegira. 
Bai, Washingtonen ibili naiz, jaialdi batean. Smith­sonian erakun­deak antola­tzen duen folk jaialdia da, eta aurtengo kultura gon­bi­datua euskal kultura izan da. Hori zabaltzera joan ginen bertara.

Eta zer moduzkoa izan da esperientzia?
Esperientzia polita izan da, desberdina. Egia esan, dato­rren urteotan Txinara joan behar bada ere, gu prest! 

Martindegin ariko zara igandean. Nolako lehia espero duzu?
Ba egia esan, ez dakit. Behin ere ez naiz izan Martin­de­gin, eta ez daukat berta­ko­en lanen berri.

Bikote baten kontra ariko zara, Jon Larrañaga 'Larra' eta Mikel Larrañagaren kontra. Gogorra izango da, ezta? Zertan nabaritzen da gehien?
Oraintxe enteratu naiz bi­ren kontra aritu beharko dudala. Egoera onean egon­da zaila izaten bada, Estatu Batuetatik zuzenean joan­da, benetan gogorra izango da. Bi beti bi dira, eta batez ere, iraupenean nabaritzen da diferentziarik gehien.

Zer daukate desberdina festetako lehia hauek, txapelketekin konparatuta?
Festetako lehiak jendea era­kartzeko egin behar dira. Jende horrek gozatu dezala, guk egiten dugun lana iku­siz. Txapelketetan ez da publikoarengan pentsatzen. Daukazun guztia eman behar izaten duzu.

Nolako giroa izaten da festetan, aizkoran aritzeko?
Tokian tokiko giroa sortzen da. Ez da berdina hiri haun­di batean edo auzo txiki batean aritzea. Nik nahiago izaten ditut herri eta auzo txikiak. Hurbilagoak dira, eta gehiago gozatzen da normalean.

Saioaz aparte, gustatzen zaizu festetaz gozatzea, joaten zarenean?
Zorionez edo zoritxarrez, ez dakit. Festarako tarte gutxi izaten dut nik, baina noiz edo behin gustatzen zait lagunekin afaritxo eta pa­rrandaren bat egitea.

Dena irabazi duzu aizkoran: Euskal Herrikoa bitan, eta Urrezko Aizkora aurten. Zein dira hurrengo erronkak? Zein dira zure motibazioak orain?
Txapelketak beti dira moti­bagarriak. Aurten, apustu bat neukan hitzartuta Ola­sa­gastirekin, baina tamalez istripua izan zuen, eta ber­tan behera geratu da. Ea las­­ter egiteko aukera dau­ka­gun.

Urrezko Aizkora zen falta zenuena, eta orain hilabete lortu duzu.  Ederra izango zen, ezta?
Bai. Egia esan, bost final neramazkien segidan biga­rren postua lortuz. Aran­tza­txoa atera dut! 

Txapeldun izatera iristeko, hasi egin behar da aurrena. Zergatik zara aizkolari? Nolatan hasi zinen eta zerk motibatzen zaitu jarraitzeko?
Aizkolaritzarako zaletasuna aitarengandik hartu nuen. Bera aizkolaria zen eta zer ikusi hura ikasi. Motiba­zio­ak, berriz, alda­tzen joan behar dira hel­bu­ruak aldatzen doazen hei­ne­an.