Margolanak eta Agurra gaur, ongietorria lantzeko

Etorkinei egiten zaien on­gietorria ulertzeko modu asko daude, eta horiek landu nahi ditu Kenkt taldeak, Welcome Donostia ekimenarekin. Osti­ra­lean inauguratu zuten erakusketa Galarretako Orona Ideo Galleryn, eta uztailaren 15a arte izango da ikusgai, ostiraletik igandera. Lagun ugari gerturatu ziren atzo, baita ere, errefuxiatuen in­gu­ruan lau adituk eman zuten mahai ingurua entzutera. Ekimenek gaur izango dute segida. Ongietorria lantzeko bi modu aztertuko dituzte 12:00­e­tatik aurrera Atsegindegin. Batetik, linografia tailerra antolatu dute txikientzat. Helburua da beraiek ere ongietorri lantzea, eta lan horiek ikusgai jartzea Oronan. Onenek saria jasoko dute gainera: bi irabazle izango dira: 12 urtera artekoa eta 12 urtetik gorakoa. Bestetik, helduentzako tailerra anto­latu dute gaur, ‘Agurra’ dantzatzen ikasteko. Euskal Herrian ongietorria egiteko erabiltzen den dantza dela azaldu zuten aurkezpenean, eta sinbologia horri jarraipena emanez, Atsegindegira ger­turatzeko gonbitea egin diete herritarrei.