Herriarteko Txapelketaren finalaz gozatuko dute bihar, Astigarragako pelotariek. Haundia egin dute orain arte, eta haundiagoa egin nahi dute bihar: Azpeitiari ezustekoa eman, eta txapelak herrira ekarri. Donostiako Atano III frontoian ariko dira, 10:30etan hasita, sei protagonista astigartarrak: Olarra eta Zapiain kadeteak, Oiarbide eta Exposito jubenilak, eta Loidi eta Santxez nagusiak.
Gainera, Udalak eskatuta, bertara joateko A2 autobus bat gehiago izango da, 09:50etan abiatuta Astigarragatik, eta bueltatzeko beste bat, 13:00etan.
Finalerako sarrerak, salgai daude herriko tabernetan. Eta baita ere, ondoren Petritegin egingo duten bazkari herrikoirako listak. Ondo ospatzekoa da eta!
Atanon daude zai, ametsa eta txapelak!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!