Urtero bezala, mahaiaren bueltan ere elkartuko dira auzotarrak, San Fermin jaien aitzakian. Larunbatean izango da hori, eta auzo bazkaria egingo dute, eguerdiko 14:30etatik aurrera.
Bertan bazkaldu nahi duten auzotarrek, hala ere, aurrez erosi beharko dituzte txartelak. Oialume tabernan dauzkate salgai dagoeneko, 35 euroan. Beti bezala, menu berezia prestatuko dute, berezia baita zita bera ere!