San Joan jaiak pasa berri dira eta Hernaniko Udalak balorazioa egin du dagoeneko. Kro-nikara bidalitako prentsa oharrean, Udalak herritarrek San Joan jaietan izan duten jokaera txalotu nahi izan du: «ekitaldi asko izan dira egunotan eta gehienetan haundia izan da partehartzea. Gainera, giro ona, elkarbizitza eta errespetua izan dira nagusi».
«Salaketa gehienak, telefono mugikorrekin lotura»
Udalak azaldu duenez, salaketarik ez da egon ez sexu erasoengatik ezta bestelako erasoengatik ere: «Udaltzaingoak jakinarazi duenez, salaketa gehienak telefono mugikorren lapurretekin izan dute lotura. 14 salaketa jaso ditu Udaltzaingoak jai hauetan, eta Ertzaintzak 40, bai Hernanin eta baita inguruko herrietan ere, lapurtutakoaren berri ematen. Lapurreta gune ohikoenak tabernak eta barrakaguneak izan dira». Bestalde, azaldu dute, ekainaren 27an, goizaldean, lapurrak sartu zirela txosna batera: «ustezko egileek diru kopuru haundi bat zeramaten gorputz osoan ezkutatuta eta atxilotu egin zituzten».
«Eztabaida, animaliekin lotutako ekintzetan»
Azkenik, Udalak prentsa oharrean dio, animaliekin lotutako ekitaldien inguruan eztabaida areagotu egin dela herrian: «hori modu egokienean bideratzeko asmoz, Udalak eta hainbat herri elkartek osatzen duten Jai Batzordean landuko da gai hori. Bestalde, datozen San Joanak oraindik hobeak izateko lanean jarraituko dute Batzordeko kideek».