Elur Txori elkarteak hilaren hasieran antolatu zuen, urtero bezala, Hernani-Leitza ibilaldia. Aurtengoa 57garren edizioa izan da, eta 30 bat lagun bildu ziren. Eguraldia lagun, goizeko 05:00etan abiatu ziren Hernanitik, eta eguerdi partean iritsi ziren Leitzara. Han, dutxatu eta Arakindegia jatetxean bazkaltzeko aukera izan zuten. Arratsaldean, berriz, Toka Txapelketan aritu ziren, eta Joakin Garmendiak irabazi zuen.