Bost egun potente atzean utzi, eta gaur egingo zaio agurra aurtengo San Joanei gauerdiko 00:00etan Udaletxeko balkoietik egingo duten bandera jaitsierarekin.
CD Hernani eta Xalaparta, bandera jaitsiera
Jaien hasieran egin zuten bezala, CD Hernani taldeko eta Xalaparta txarangako kideak izango dira arriadako protagonista. Banderak jeitsi, eta azkeneko aldiz abestuko dute «Ta San Joan, beti zaitut gogoan...».
Zezen suzkoa, segidan
San Joan zortzikoaren notek, beste kanta bati emango diote bidea. «Ai Hernaniko zezen suzkoa, izan zaitez zorionekoa» abestipean sartuko dira zezen suzkoak Plazara. Bertan hainbat buelta eman, herritarrak pixka bat izutu, eta hurrengo urtera arte esango diete agur hernaniarrei.
Incansables, nekatu arte
Baina festa giroari ginda jarriko diona Incansables txaranga izango da. Dantza, salto eta irri artean, gorputzak nekatu arte egingo dute Kaxkotik buelta.