Bereziki haurrek ederki disfrutatu ohi dute festetaz, batez ere, bereziki beraientzat antolatutako ekintzekin. Egunero izan da zerbait etxeko txikienentzat, eta azkeneko eguna ez da gutxiago izango. Goizean goizetik hasi eta arratsaldera arte ez da parrandarik faltako herriko haurrentzat.
Atsegindegi, elkargune
Goizeko 10:30etan hasiko dira haurrentzako ekintzak. Atsegindegin izango da aurrenekoa: Kolore Guztiak festa, hain zuzen. Izen bereko elkarteak antolatuta, hainbat tailer izango dira, baita arabiar jakiak dastatzeko aukera ere.
Hori bukatuta, Standa Banda taldea igoko da Atsegindegiko oholtzara, eta bertatik dantzan jarriko ditu txikiak, eguerdiko 12:00etatik aurrera.
Marrazki lehiaketaren sari banaketa, Biterin
Bitartean, 11:00etan, banatuko dituzte ekainaren 23an egindako marrazki lehiaketaren sariak, Biterin.
Puzgarriak, eta pottokak eta zezen txikiak, arratsaldean
Bukatzeko, puzgarriak jarriko dituzte Atsegindegin, 16:00etan. Eta 17:30etan, azkeneko aldiz izango dira pottokak eta zezen txikiak Latsunbeko zelaian.