Vendettaren abesti ospetsuenetako bat da 'Ekainak 24' «San Joan sua senti nahirik...». Zer dira Vendettarentzat San Joan jaiak?
Ekainak 24 kantua Pellok konposatu zuen. Arbizun oso festa garrantzitsuak dira San Joanak. Kantu hori preso ohi bati eskainia dago, eta bertan isladatu nahi izan da bere herritik urrun, bere herriko gau kuttunetik urrun bizi den presoaren egoera, maite dituenengandik urrun sentitzen duena.
Hernanin ere San Joanak ospatzen dira, eta gaur bertan izango zarete, egitarauaren parte baitzarete. Zer espero duzue Hernani bezalako plaza batetik?
Ez dugu sekula Hernanin jo. Baina badakigu, berez, giro aparta daukan herria dela Hernani. San Joanek ospe haundia dute, beraz sekulako giroa egotea espero dugu.
Osagai guztiak mahai gainean daude beraz: festa giroa, plaza bezalako eszenatoki berezia... Zer emango du Vendettak?
Vendetta taldea eszenatoki gainera dena ematera ateratzen da beti, eta Hernanin ez da gutxiagorako izango. 4 diskoetako onena eskainiko dugu, energia guztiarekin.
Zein da festa giroan edo areto itxi baten jotzearen diferentzia? Zer nahiago duzue?
Agertoki bakoitzak badu bere xarma. Toki txikien berotasuna, festibal haundietan izaten den jende piloa... guztiak ditugu gustoko.
«Eszenatoki gainean dena ematera ateratzen gara beti, eta Hernanin ere ez da gutxiago izango. Lau diskoetako onena eskainiko dugu, energia guztiarekin»
'Begitara begira' eta ‘Udarako gau luzeak' bezalako abestiekin egin zen ezagun Vendetta. Zuentzat ere abesti bereziak al dira horiek? Baduzue beti kantatzen duzuen abesti feticherik?
Horiek izango dira agian esanguratsuenak. Baina ba-dira asko niretzat behitzat kuttunak direnak; Leña al fuego edota Polvora esate baterako.
Gaurko kontzertua lan modura biziko duzue, hala bukatzean zuek ere izaten duzue festarako gogorik?
Baliteke Hernaniko kaleetako giroa dastatzen geratzea, arriskua dago... jejeje!
Izan zarete aurretik Hernaniko San Joanetan?
Ni juergan bai, Ibartarra naiz eta gertu daukat. Besteak ezetz esango nuke.
Behin baino gehiagotan erantzun behar izango zenioten galdera honi: nondik dator Vendetta izena? Vendetta, zeri edo zeini?
Tokatu zaigu bai galdera honi erantzutea. Guretzat ez du esanahi berezirik. Sonoritatea gustatzen zitzaigun, hitz polita zen eta horrela jarri genion izena taldeari.