Zita berezi bat izango dute haurrek gaurkoan, Atsegindegin. Goizeko 11:00etatik aurrera, zirku ikuskizuna eskainiko du bertan, Zirkozaurre taldeak; Vademekun ikuskizuna, hain justu. Liburutegi batean egongo da girotuta saioa, eta helburua da, irakurketa sustatzea, sorkuntza, irudimena eta ilusioa lantzeko bide gisa.
Horrez gain, erraldoi eta buruhaundiak eguerdian, eta pottoka eta zezen txikiak arratsaldean ere izango dituzte haurrek, egunaz gozatzeko.