San Joan jaiak iragartzeko goiz osoko kalejira egiten dute urtero Aurorek, eta aurten ere, ez dute hutsik egin. Lehengo igandean abiatu ziren kalez kale, goizeko 08:00etan, Goizuetako Umore Ona eta Hernaniko Ozenki abesbatzak. Herriko txoko guztietan barrena buelta eginda, bazkari eder baten bueltan segi zuten festa. Ostegunean, berriz, San Joan bezperako sua piztu zuten Goizuetan ere.