Musikak girotuko ditu kaleak, gaurtik

Musikak eta dantzak ga­rran­tzia nabarmena dute herriko jai guztietan, baita Hernaniko San Joanetan ere. Herriko jaiez denok  go­zatzeko moduko ­eskain­­­­­­­­tza egiten du aurtengo egi­ta­rauak.

Lau zita, hasteko
Musika protagonista den lau zitekin hasiko dira gaur San Joanak. Hasteko, San Joan erronda antolatu du Ohitura Zaharrak abes­ba­tzak: 17:30-17:45ak aldera elkartuko dira Udaletxeko arkupeetan, eta ondoren, hasiko dute buelta, herrian zehar. 
Ondoren, 18:30etan es­kainiko dute kontzertua Kan­tuz eta Ozenki abesba­tzek, Urbieta kalean. Eta hori bukatuta, San Joan Bataiatzailearen parrokian Salbe Nagusia izango da 20:30­e­tan, eta  aurretik, kontzer­tua emango du Pa­rrokiko Abesbatzak.
Azkeneko hitzordua, Mu­sika Bandak jarri du 20:30etarako; herriko kale­etan barrena San Joan Martxa joko du.

Gau elektronikoak, leku-aldaketa
Paket Flat kolektiboak an­tolatuta,  gau elektronikoa izan­go da gaur, 22:00etatik aurrera. Biterin izango da emanaldia, eta ez Mila­grosan, egitarau ofizialean jartzen duen bezala.

Trakets, gaur gauean
Ez da San Joan bezperako egunik, berbenarik gabe! Aurreneko eguneko inda­rrak aprobetxatu eta Tra­ketsek dantzan jarriko du herria, gaueko 23:00etatik aurrera. Baina ez da Her­nanin egongo den egun ba­karra, aurten zita bikoitza izango baitu Traketsek. Bi­ga­rrena, Sutu Jaiak ekime­nak gonbidatuta, igandean izango da.

Vendetta, igandean
Musika ez da gaur bakarrik izango, bost egunez herriko kaleak doinu desberdinekin zipriztinduko dira. Horien artean, iazko San Joanetan aurre­neko aldiz egin zen bezala, kontzertu ikusga­rria antolatu dute iganderako. Vendetta talde nafarra izan­go da aur­tengo gon­bi­datu berezia, eta emanaldia eskainiko dute Plazan, gaueko 23:00e­tan hasita.

Sutu Jaiak ekimenak, egitarau propioa
Egitarau ofizialean jasotzen diren musika-ekitaldiez gain, Su­tu Jaiak ekimenak ere, hain­bat ekintza iragarri ditu da­to­zen egunetarako. Denetarik egongo da: DJak, kalejirak, berbenak... Ho­ri­en artean, talde ezagun bat ere gonbidatu dute: Ze Esa­tek! taldeak Tilosetan joko du etzi, Koadrilen egunean, gaueko 23:00etatik aurrera.

Betiko txarangak, erromeria eta guzti, gaurtik aurrera
Kontzertu eta emanaldi be­reziez aparte, badaude zita ba­tzuk urtero errepikatzen direnak: txarangak, errome­riak, goizean goizeko dia­na eta txistularien kale-buelta... 

Baita txosnetan ere
Herriko txoko guztietan entzun ahal izango da mu­sika, baita txosnetan ere. Molotoff irratiaren eta Bilgune Feministaren txos­nek, batez ere, antolatu dituzte emanaldiak: DJ saioak, karaokea...