Bete-betea dator egitaraua, haur eta gaztetxoentzat ere. Ez dira faltako erraldoi eta buruhaundiak, ez haurren Azeri Dantza eta aurreskua gaur, eta ezta pottokak eta zezen txikiak, Latsunben, larunbatetik astelehenera.
Txapelketak ere, mota guztietakoak izango dituzte, marrazkietatik arrantzara. Baina dantzarako eta ikuskizunetarako ere izango dute tartea: Ane Piratarekin parrandan egongo dira bihar, Kolore ikuskizuna izango dute etzi, eta Vademecum zirkoa igandean; eta azkeneko egunean, Kolore Guztiak festa, Atsegindegin.
Barrakak, Urumea ikastolan
Baina egitarautik kanpo ere, aukera zabala izango dute txikiek, ondo pasatzeko; barraketan, hain justu.
Urumea ikastolako patioan egongo dira aurten, gaurtik astelehenera bitartean, autotxokeak, ohe elastikoak, laberintoa...