«Jendartean eman nahi ditugun aldaketek ere, gure herriko festetan isla izan behar dute»

Herriko festei hasiera eman aurretik, hainbat era­gi­lek martxan jarri dute pro­tokoloa, eraso sexisten prebentziorako eta era­so horiei erantzuteko. 
Hain zuzen, protokolo­a­ren alde egin dute Txosna Ba­­tzor­de­ak, Berriak elkar­te­ak eta ta­bernariek, Mugi­men­du Fe­mi­nistak eta Uda­lak. «Jaiak denontzako es­pa­zio seguru eta gozagarria izateko lan egitea, denon ardura da, eta bide horretan ezinbestekoa da eraso sexis­ten prebentzioan zein erantzun eta protokoloetan denok konpromisoa har­tzea», azaldu dute.

Aitzakiarik ez
Agerraldian azpimarratu dute «festak herriaren nor­ta­suna, jendarte egitura eta bertan ematen diren zapal­kuntza eta diskriminazioen adierazle» direla. «Gaur egun, jai eta tradizioek, jen­darte ordena erre­pro­du­zi­tzen dute; egungo hierar­kiak, botere harremanak, rol banaketak...».
Era berean, salatu dute fes­tak erabiltzen direla  ai­tza­kia bezala, hainbat eraso justifikatzeko: «jaiak era­so­tzai­leen eta diskrimi­na­tzai­leen aterpe bilakatzen dira, droga ezberdinen kon­tsu­moaren justifikazio eta aitzakiapean, jai eremu eta egunetan era ezberdinetako eraso sexistak sarriago gertatzen direlarik: irainak, mespretxuak, ukituak, bortxaketak...».

«Gaur egun, jai eta tradizioek, jendarte ordena erreproduzitzen dute»

Jaiak ere, borroka esparru
Horren aurrean, «jai he­rri­koi pa­rekideak» alda­rri­katu di­tuz­te, eta adierazi dute lan egin behar dela.
«Jendartean eman nahi di­tugun aldaketek ere, gure herriko festetan isla izan be­har dute, jaietan ere kul­tu­ra birsortu eta aldatzeko gai­tasuna dugulako. Tra­di­zio eta ohiturek ezin dute hertsiak diren eta geldirik dauden zerbait izan; jen­dar­tearen eraldaketarekin ba­tera eta norabide ber­dinean joan behar dute».
Hori horrela, mezu garbi bat zabaldu nahi izan dute: «Jaiak ere borroka esparru di­relako, ez dugu eraso sexistarik onartuko, ez txos­­na gunean, ez taber­ne­tan, ez kalean, ez inon! Ozen diogu: EZ, EZETZ DA!».