Hernani, festetan!

Ahaztu urteko estres, agobio eta tristura guztiak! Iritsi da festarako garaia! Gaur egu­er­diko 12:00etan, su­ziriak pum! egiten due­ne­an, lehertu­ko da jaia Plazan. Xalaparta elkartea eta CD Hernani dira aur­ten­go o­men­duak, eta be­raiek izan­­go dute San Joanei ha­siera e­mateko ohorea. Egu­er­ditik au­rrera, San Joan Mar­txak gi­ro­tuko ditu Kax­koko ka­leak; eta buru­haun­di eta erral­doiak ere ibiliko dira gora eta behera.
Hori izango da eguneko ekitaldi nagusia; aurretik or­dea, beste bi ekitaldi antolatu dituzte. Goizeko 09:00e­tan Uru­mea Ikastolaren ma­rrazki lehi­aketa izango da. Eta jaietako aurreneko Azeri Dantza ere, gazteena, aurretik izango da: goizeko 10:00etan. 

Urteko egunik luzeena
Gaurko festak ez du etenik izan­go. Goizaldeko 01:00 arte izan­go dira ekitaldiak, ia or­duro: haurren au­rres­kua, ake­la­rrea, sua, kan­taita, musika, danborrada, txa­ran­­gak... fes­tetako egun berezienetako bat izaten da gaurkoa.

Elkartasunerako, ere bai
Urte luzez familia giroan ospatu izan bada ere, San Jo­an Egunak izaera ezber­dina hartu du azken aldian. Aur­ten gainera, ostiralarekin ospa­tuko dute hernaniarrek. Mu­sika eta dantza­rekin lotutako eki­tal­diak izango dira nagusi: di­ana, danborrada, Txis­tu­lari eta Musika Ban­daren kon­­tzer­tu­ak, dantza aska­tua, ber­­tso­lariak, kultura ar­teko ema­naldia, dantzal­di­ak... Pa­troi­aren egunaz gain, Elkar­tasun eguna ere bada bihar­koa. Manifestazioa deitu dute 19:30etan: Amnistiaren nor­abi­dean, presoak eta ihes­lariak etxera. Ondoren, herri afar­ia egingo dute Plaza Berrin.

Koadrila eguna, larunbatez
Hernaniko koadrilek ez dute elkartzeko aitzakiarik izango aurten; izan ere, larunbatez ospatuko da hain berezia den eguna. Goizean ume­entzako ekintzak an­to­latu dituzte, batik bat. Eta baita ere, au­rreneko sokamuturra eta hel­duen azeri dantza. Eguerdian Mantzak koadri­lak jasoko du omenaldia, eta koadrilen ar­teko brindisare­kin emango zaio hasiera, egun haundiari. Askok Sutu Jaiak!ek anto­la­tutako herri bazkarian bazkal­du­ko dute; eta herriko jate­txe, elkarte eta etxeetan ere izan­go da festa. Txarangan gora eta behera ibiliko dira kodrilak arratsaldean; eta musika no­na­hi izango de­nez, dantza­rako aukerarik ere, ez dute faltako. Ze esatek! taldeak jarriko dio ginda, egunari. 

‘Vendetta’... igandean
Diana, sokamuturra eta azeri dantzarekin hasiko da, igan­dea ere bai. Goiz Eguz­kiko la­gunentzat egun haun­dia iza­ten da gainera. Hala da, baita ere, kirola gustatzen zaie­nen­tzat: ehiza eta itsas arrantza txa­pelketak jokatu­ko dira; eta Berria txa­pelketako fi­na­la ere, igandean izango da. Bestalde, ber­tso­laritza gogoko dutenek urteroko zita dute ekainaren 26an: Lu­janbio, Mendiluze, Ar­­­zallus eta Iguaran izango dira aur­ten Plazan. Eta gauean izango da, edizio honetako beste hitzordu garrantzitsu bat: Vendettaren kontzertua.

Herri kirolak eta konpartsa, bukatzeko
Herri kirolek mugitzen dute jende gehiena, festetako az­ken egunean. Bolatoki ibil­ta­ria jarriko dute Tilosetan, eta U­rrezko Aizkolari Txa­pel­du­nen kanporaketa ere izango da. Arratsaldea San Joan Kon­par­tsaren irteerak markatuko du. Eta txikienek ere izango du­­­te zerekin gozatu. Festak ha­­­si be­zala bu­ka­tu­ko dira, CD Her­nani eta Xa­la­parta prota­go­nis­ta direla, ban­dera jaitsi­eran. Hori ­bukaeran izango da or­dea; Gaurtik bost egun di­tuz­­te hernaniarrek, fes­tarako! 

Udalaren ohar eta gomendioak

SOKAMUTURRA
Ekainaren 25, 26 eta 27­an so­ka­muturra egingo da goizeko 07:30etatik 09:00­etara. Ibilbi­dea izango da: Plaza, Andre kalea, Zapa ka­lea eta Ka­­le Nagusia. Udalak eskatu du ibil­bidearen atariak barrutik giltzatuta egotea eta biz­ila­gu­nak kalera ez ate­ratzea, ekitaldiak irau­­­ten duen bitartean. Ho­rrez gain, gogoratu na­hi dute 16 urtetik beherakoek ezin du­tela so­­ka­muturran parte hartu.

HONDAKIN BILKETA
Jaiak direla eta, ekainaren 27ra ar­te, Kaxko eta inguruan hondakin bil­ketako eguna al­datuko da. Hon­da­kinak egu­er­diko 12:30etatik 14:00­­­etara ate­ra beharko dira, eta or­du horretatik aurrera saihestu be­har da, edukiontziak kalean uz­tea. Gaur papera jasoko da; bihar eta ostiralean, organikoa; eta etzi, plastikoa. Larunbatean, ez da bilketarik izango.

BATZUEK ONDO PASATZEKO, BESTE BATZUK LANEAN
Udaletik gogoratu dute pertsona askok beraien jaiei uko egin dietela gehiengoak jaiak ahalik eta modurik onenean bizitzeko. Gogoan izan nahi ditugu San Joan jaietan herritarren segurtasuna bermatzeaz arduratzen diren langile guztiak: udaltzainak, suhiltzaileak, Udaleko zerbitzuetako langileak, DYAko kideak etab.