Aurten ere, aurrekontu partehartzaileak jarriko ditu martxan Astigarragako Udalak, eta 2016ko aurrekontuen 88.000 euro erabiliko dituzte horretarako.
Udalaren hitzetan, «Astigarraga hobetzeko» helburuarekin eskaini zaie herritarrei proposamenak luzatzeko aukera.
Sei proposamen, bakoitzak
88.000 euro horiek non inbertitu erabakitzeko, herritar bakoitzak sei proposamen egiteko aukera izango du. Horretarako, etxez etxe banatuko diren eskuorriak bete, eta sei puntutan entregatu beharko dira ekainaren 17a baino lehen: udaletxean, kultur etxean, anbulategian, kiroldegian edota zaharren egoitzan.
Guztiak jaso eta aztertu
Behin epea bukatuta, Udalak proposamen guztiak jaso, aztertu eta «astigartar guztiei aurkeztuko zaie teknikoki eta ekonomikoki bideragarriak diren, beraiek erabaki dezaten ze egitasmo jarriko duen martxan Udalak».