Five A Incentive Planners agentzia estatu batuarrean egiten du lan Iñaki Arizmendi beasaindarrak, eta euskal sustraiei tiraka, espedizio berezi baten bultzatzailee–tako bat da: 2017ko ekainaren 15etik 22ra, Euskal Baleontzien aztarnetatik zehar espedizioa antolatu da, Ternuara.
Astigarragako Astarbe sagardotegian aurkeztu zuten proiektua lehengo astean, sagardorik ezin baita falta, euskal arrantzaleen pausoak gogoratu nahi badira.
Zortzi egun, barkuan
Espedizioa barkuan egingo da. Ekainaren 15ean aterako da Ipar Ameriketako hiririk zaharrenetako batetik; St. John’s hiritik. Handik, euskal arrantzaleen aztarnei segika, hainbat irla, herrixka eta musoeo bisitatuko dira: Fogo Island, Red Bay inguruko balea lekua, San Joan baleontziaren arrastoak, Saddlen-eko euskaldunen hilerria, Gros Morne, St. Pierre edota Placentia.
Partehartzea, irekia
Nahi duen edonork eman dezake izena; 2.600 dolarretik gorako prezioak ditu bidaiak, aukeratzen den kamarote motaren arabera.
Orain arte, Ameriketako bidaiariak izan dira izena eman dutenak, hemendik joan nahi duenak berak hartu behar baitu Euskal Herritik Ameriketarako hegaldia, baina 220 bat lagunentzako dago tokia.
Gainontzean, espedizioan izena emateko edo informazioa eskatzeko: www.ballenerosvascos.info webgunean edo aimar@fiveaincentiveplanners.com helbidean.