Gazteek egitarau propioa izango dute aurten ere, Sutu jaiak! ekimenari esker. San Joanetako urteroko errutinarekin haustea dute helburu, eta egunero-egunero hainbat ekintza antolatu dituzte.
Txupinazo berezia, gaur iluntzean
Gaur hasiko dira San Joan jaiak eguerdiko 12:00etan. Sutu Jaiak! ekimenak ordea, txupinazo propioa antolatu du: 23:00etan, gauerdirako ordubete eskas falta dela emango diote hasiera festari. Aurretik, urteroko legez, Akelarreak girotuko ditu herriko kaleak. Kontzertuak ere izango dira: Ziribulio Sound eta Selektan Stepi (Bad Sound System).
Haurrek ere, lekua
Sutu Jaiak!en egitarauan herriko txikienek ere badute lekua aurten. Bihar, San Joan egunez, haur jolasak antolatu dituzte Tilosetan. Eta nola ez, kontzerturik ere ez da faltako: Nikkin eta Pornox taldeak entzuteko aukera izango dute Tilosetara gerturatzen direnek.
‘Ze esatek!’, Koadrila egunean
Hernaniarrentzat San Joanetako egun haundia izango da larunbatekoa. Goizean goizetik disfrutatzen hasteko, pistina jarriko dute Plaza Berrin, 07:30etan. Eguerdian, koadrilen bazkaria antolatu dute. Ohi bezala Tilosetan izango da; tiketak aldez aurretik erosi behar ziren. Arratsaldea girotzeko berriz, jokoak eta poteo musikatua antolatu dituzte. Eta eguneko beste ekitaldi nagusia 23:00etan hasiko da. Ze esatek! talde arrakastatsuak girotuko ditu koadrila eguneko azken orduak.
Pintxopotea, eguna hasteko
Koadrila Eguneko parrandarekin igande goizera iristen direnek, pintxopotea izango dute indarberritzeko, Plaza Berrin; 07:30etan izango da. Goizean zehar deskantsatu, eta arratsaldean emango diote segida. Gynkhana antolatu dute, ur jolas eta guzti, 18:30etan. Ordu txikitan berriz, San Joanetako ekitaldi arrakastatsuenetarikoari emango diote hasira: udarako playbacka. Ondoren, Trakets taldeak jarriko du martxa.
Azken eguneko festa, ordu txikitan
Astelehenean bukatuko dira San Joanak, eta Sutuko kideek indartsu eman nahi diote hasiera azken egun honi. Zumba eta dancehall saioa antolatu dute parrandan jarraitzen dutenentzat; eta goiz-goiz esnatu eta martxan jarri nahi dutenentzat. Goizaldeko 06:30etan hasiko da. Eguneko beste ekitaldi nagusia, arriadarekin batera hasiko da, gauerdiko 00:00ak jotzen dutenean: Behatxe Roja taldeak joko du, Tilosetan. Txosnen itxiera ere, festa giroan joango da: Notayesarekin kalejira antolatu dute.
Inoiz itzaltzen
ez den sua
Hernani bizirik mantentzea da Sutu ekimenaren helburu nagusia, eta bide horretan, lan ederra ari dira egiten azken urteetan. Olinpiadetan jendetza ibili da, eta urtean zehar, zinea, hitzaldiak, tailerrak, kontzertuak eta beste hainbat ekimen antolatu dituzte. San Joanekin ere, segida eman nahi izan diote hasitako ibilbideari: «zerbait egin behar zen gazteok jaietan parte hartzeko eta guk animatu egin nahi ditugu».
Gaur: Jaien hasiera
18:00 Akelarrea
23:00 Txupinazoa.
Ondoren, kontzertuak: Ziribulio Sound eta Seleketan Stepi (Bad Sound System).
Bihar:
17:30 Haur jolasak, Tilosetan,
6-12 urte bitarteko umeentzako.
00:30 Kontzertuak:
Nikkin eta Pornox.
Larunbata:
07:30 Pistina, Plaza Berrin.
14:00 Bazkaria
18:00 Jokoak eta poteo musikatua.
23:00 Kontzertuak: Ze esatek!.
Igandea:
07:30 Pintxopotea, Plaza Berrin.
18:30 Gynkhana. Ur jolasekin, Tilosetan.
00:00 Playbacka udaran
Ondoren Trakets.
Astelehena:
06:30 Zumba eta dancehall.
00:00 Kontzertuak: Behatxe Roja.
Txosnen itxieran: Notayesarekin kalejira.